संत्रा-मोसंबी-लिंबू
कीड व्यवस्थापन
⭕️सिट्रस सायला
बागेमध्ये पाणी देऊन ताण मोडला जातो. त्यानंतर नवीन पालवी किंवा नवतीची सुरवात होते. याच वेळी सिट्रस सायला व त्याची पिले पानांतून रस शोषण करतात. नवतीच्या पानांची गळ होऊन फांद्या सुकतात. फळधारणेवर अनिष्ट परिणाम होतो. या किडीद्वारे ‘ग्रिनिंग’ आणि ‘शेंडेमर’ या रोगांचाही प्रसार होतो. वेळीच नियंत्रण न केल्यास झाडावरील फुले आणि फळे गळून पडतात. झाडावर जास्त फळे येत नाहीत. नंतर बहार येत नाही. या किडीच्या प्रादुर्भावामुळे १०० टक्के नुकसान होते.
⚔️नियंत्रण फवारणी (प्रति लिटर पाणी) क्विनॉलफॉस १ मि.लि. किंवा नोव्हॅल्युरॉन ०.५५ मि.लि. किंवा डायमेथोएट २ मि.लि. किंवा ॲसिफेट १ ग्रॅम किंवा इमिडाक्लोप्रिड ०.५० मि.लि. आवश्‍यकतेनुसार दुसरी फवारणी दहा दिवसांनी कीटकनाशक बदलून करावी.
किंवा इंदरबेला किंवा साल खाणारी अळी नियंत्रण अळीच्या छिद्रावरून जाळे काढावे. इंजेक्शनच्या मदतीने क्लोरपायरीफॉस (२० ईसी) ५ मि.लि. प्रति लिटर पाण्यात बनवून छिद्रात टाकावे. कापसाचा बोळा या द्रावणात बुडवून छिद्र बंद करावे. ओली माती, रॉकेल किंवा पेट्रोल वापरू नये.
