भात
रोपवाटिकेतील एकात्मिक कीड व्यवस्थापन
- भात कापणीनंतर उन्हाळ्यात जमिनीची नांगरट करून धसकटे गोळा करून त्यांचा नाश करावा, यामुळे खोडकिड, लष्करी अळी यांच्या सुप्तावस्थेतील कोषांचा नाश होईल.
- भात खाचरांचा आकार मर्यादित ठेवून बांधबंदिस्ती करावी व जमीन समपातळीत आणावी.
- कीड प्रतिकारक वाणांची लागवड करावी.
- रोपवाटिकेत वाफ्यात बियाणे टाकतेवेळी किंवा पेरणीनंतर १५ दिवसांनी दाणेदार फोरेट (१० सीजी) ४ किलो किंवा क्विनॉलफॉस (५ जी) ६ किलो किंवा कार्बोफ्युरान (३ सीजी) ६.५ किलो प्रति एकर प्रमाणात जमिनीत मिसळावे.
- रोपवाटिकेतील वाफ्यात खोडकिडीचे कामगंध सापळे प्रति एकरी दोन या प्रमाणात लावावेत. - रोपवाटिकेत तुडतुडे, खोडकिड, गादमाशी यांचे प्रादुर्भावानुसार पाच टक्के निंबोळी अर्काची फवारणी करावी.
- भात शेतात निसर्गत: मिरीड, ढेकूण, कोळी इ. विविध परभक्षी कीटक उपलब्ध असतात. त्यांचे संवर्धन करावे.
- भात लावणीच्या वेळी रोपांचे शेंडे खुडावेत. त्यावरील किडींचे अंडीपुंज, अळ्या गोळा करून त्यांचा नाश करावा.
