सुर्यफुल
कीड नियंत्रण
⭕️ रसशोषक किडी (मावा, तुडतुडे, फुलकिडे, पांढरी माशी) निंबोळी तेल किंवा करंज तेलाची २-४ टक्के प्रमाणे फवारणी केल्यास रसशोषक किडींचा प्रादुर्भाव कमी होतो. पेरणीनंतर दर १५ ते २० दिवसांनी इमिडाक्लोप्रिड (२०० एसएल) ०.३ मि.लि. किंवा क्विनॉलफॉस (३६ ईसी) १.५ मि.लि. किंवा ॲसिफेट (७५ डब्ल्यूपी) २ ग्रॅम प्रतिलिटर पाणी प्रमाणे फवारणी करावी. शिफारशीप्रमाणे नत्राची मात्रा योग्य प्रमाणात द्यावी.
⭕️ पाने खाणारी किडी (तंबाखूवरील पाने खाणारी अळी, उंट अळी, केसाळ अळी) या किडींची अंडी असलेली जाळीदार पाने शोधून ती कीटकनाशक किंवा रॉकेलमिश्रित पाण्याच्या द्रावणात बुडवून किंवा जाळून/ पुरून नष्ट करावीत. प्रादुर्भाव वाढल्यास क्विनॉलफॉस २ मि.लि. किंवा प्रोफेनोफॉस २ मि.लि. प्रतिलिटर पाणी प्रमाणे फवारणी करावी. स्वच्छ मशागत केल्यास व बांधावरील तण काढल्यास या किडींचा प्रादुर्भाव कमी आढळतो.
⭕️ सतबक पोखरणारी अळी क्रायसोपर्ला या परभक्षी किडीची अंडी किंवा अळी ८ ते ९ प्रति २० फुलांपाठीमागे सोडल्यास कीड नियंत्रण होते. फूलकळी अवस्थेमध्ये एचएनपीव्ही (५०० एलई) २ मि.लि. प्रतिलिटर पाणी प्रमाणे संध्याकाळच्या वेळेस फवारणी करावी. दहा दिवसांच्या अंतराने तीन फवारण्या केल्यास ही अळी रोगग्रस्त होऊन मरते ��िंवा बॅसिलस थुरीजेंसीस ४०० मि.लि. प्रति एकर या प्रमाणात फवारणी करावी. प्रादुर्भाव वाढल्यास क्लोरपायरीफॉस किंवा प्रोफेनोफॉस २ मि.लि. प्रतिलिटर पाण्यात मिसळून फवारावे. कीटकनाशकांचा वापर गरजेनुसार करावा. परागीकरणाच्या कालावधीमध्ये यांचा वापर शक्यतो टाळावा. यामुळे मधमाश्यांची क्रियाशीलता टिकून राहील.
