डाळिंब पिकातील शॉट होल बोररचे व्यवस्थापन.

डाळिंब

राज्यातील अनेक भागांमध्ये शॉट होल बोरर (खोड भुंगेरे) किडीचा प्रादुर्भाव वाढल्याचे निदर्शनास आले आहे. खोडाच्या आतील भागांवर तसेच बाह्य भागावर टाचणीच्या आकाराची लहान छिद्रे आढळल्यास मुख्यत्वे शॉट होल बोअरर (खोड भुंगेरा) चा प्रादुर्भाव असल्याचे समजावे. प्रामुख्याने कमजोर झाडांवर व सिराटोसीस्टीस बुरशीची लागण झाल्यामुळे निर्माण होणाऱ्या द्रव्याकडे खोड भुंगेरे आकर्षित होतात.
🛡️शॉट होल बोररचे व्यवस्थापन
👉गरू/ लाल माती ४ किलो अधिक क्लोरपायरिफॉस (२० ईसी) २० मि.लि. अधिक कॉपर ऑक्सिक्लोराइड (५० डब्ल्यूपी) २५ ग्रॅम प्रति १० लिटर पाणी या प्रमाणे पेस्ट तयार करून दोन वर्षांहून अधिक वयाच्या झाडाच्या खोडावर जमिनीपासून २ फूट अंतरापर्यंत व्यवस्थितरीत्या लेप द्यावा.
👉बहार धरतेवेळी पानगळ केल्यानंतर आणि फळतोडणी झाल्यानंतर त्वरीत वरील मिश्रणाचा लेप अवश्य द्यावा.
👉खोड भुंगेऱ्यांच्या प्रादुर्भाव हा कमजोर झाडावर होतो. झाडे सशक्त करण्यासाठी झाडांना अन्नद्रव्ये व पाणीपुरवठा नियमित करावा.
👉खोड भुंगेऱ्यांचा प्रादुर्भाव झालेल्या फांद्या छाटून काढाव्यात. त्या बागेपासून दूर अंतरावर नेऊन नष्ट कराव्यात.

कृषिक अॅप डाउनलोड करण्यासाठी खालील बटन वर क्लिक करा.