वेल वर्गीय पिके
वेल वर्गीय पिकातील फळकूज/ फळसड व्यवस्थापन
कारली, खरबूज, कलिंगड, भोपळा यावरील मोझॅक स्पर्श, मावा किडीमार्फत पसरतो. यलो व्हेन मोझॅक पांढरी माशी व स्पर्शाने; तर कलिंगडामधील बड नेक्रोसीसचा प्रसार फूलकिडे व स्पर्शाने होतो. कुकुरबीट फायलोडीचा प्रसार तुडतुड्यांमार्फत होतो. विषाणूजन्य रोगांचा प्रादुर्भाव झाल्यास, विशेषतः नवीन पानावर हिरवट डाग दिसून येतात व पानाचा इतर भाग पिवळसर दिसतो. पाने वाकडी होवून गुंडाळली जातात. ती लहान होतात. पानाच्या शिरा पिवळसर होतात. कांडे आखूड राहते. नवीन फळे वेडीवाकडी, लहान, हिरवट-पिवळसर आणि राठ दिसतात. झाडाची वाढ खुंटते. फुले-फळे कमी प्रमाणात लागतात. कलिंगडामध्ये बड नेक्रॉसीसमुळे वेलीचा शेंडा तपकिरी पडून शेवटी काळा होऊन वेल जळते. वेलीवर शेंड्याकडून खोडाकडे तपकिरी चट्टे पडतात. रोगाचा प्रादुर्भाव फळांवर येऊन त्यावर गोलाकार वर्तुळे दिसतात.
🛡️ उपाययोजना
👉 विषाणूजन्य रोग असलेल्या सहजीवी पिकांचा नायनाट करावा.
👉 निरोगी झाडांवरील फळांचे किंवा प्रमाणित बी वापरावे.
👉 रोगांचा प्रसार करणाऱ्या किडींचे शिफारशीत कीडनाशक वापरून वेळीच नियंत्रण करावे.
👉 रोगट झाडे दिसताच त्यांचा उपटून नायनाट करावा.
कृषिक अॅप डाउनलोड करण्यासाठी खालील बटन वर क्लिक करा.