खोडवा ऊस
------------------------------------------------------------------------------------------------------------------
जीवाणू संवर्धकांचा वापर
अॅझोटोबॅक्टर, अॅसिटोबॅक्टर, अॅझोस्पिरिलम व स्फुरद विरघळविणारे जीवाणू संवर्धक प्रत्येकी ०.५ किलो प्रति एकर या प्रमाणात एकूण २ किलो जिवाणू खते ही २५ किलो चांगल्या कुजलेल्या शेणखतात एकत्र करून ऊसाच्या ओळीच्या बाजूने टाकावीत किंवा शेणाच्या स्लरीमध्ये एकत्र मिसळून वापरावीत. जीवाणू संवर्धकांचा वापर केल्यास २५ टक्के नत्र आणि स्फुरदयुक्त खतांची बचत होते. अशा वेळी शिफारशीत नत्र आणि स्फुरदाची खतमात्रा २५ टक्क्यांनी कमी करावी. खोडवा ठेवताना जीवाणू खतांची मात्रा दिली नसल्यास, खोडवा ठेवल्यानंतर दोन महिन्यांनी ४०० मि.लि. द्रवरूप अॅसिटोबॅक्टर जीवाणू संवर्धक २०० लिटर पाण्यात मिसळून सकाळच्या वेळेस फवारणी करावी. एकरी ०.५ किलो स्फुरद विरघळविणारे जीवाणू संवर्धक ४० किलो शेणखत किंवा कंपोस्ट खतात मिसळून सरीमधून द्यावे.
------------------------------------------------------------------------------------------------------------------
