कांदा-लसूण
एकात्मिक पीक संरक्षण
🧅 हंगामानुसार एखाद्या भागात लागवड एकाच आठवड्यात पूर्ण करावी. दोन हंगामांमध्ये अधिक काळ अंतर राखून रोग, किडींचा जीवनक्रम तोडता येईल.
🧅 रोपवाटिकेत व शेतात ट्रायकोडर्मा व्हिरीडी एकरी ५०० ग्रॅम हे २०० किलो शेणखतात १५ दिवस आधी मिसळून जमिनीत टाकावे.
🧅 प्रमाणित बियाणे वापरावे. तसेच बीजप्रक्रिया अवश्य करावी.
🧅 पिकाची फेरपालट करावी.
🧅 पाण्याचा चांगला निचरा न होणाऱ्या जमिनीत कांदा लागवड करू नये.
🧅 रोपे नेहमी गादी वाफ्यांवर लावावीत.
🧅 रोपांची मुळे पुनर्लागवडीच्या दोन तास अगोदर कार्बेन्डाझिम १ ग्रॅम व कार्बोसल्फान २ मि.लि. प्रति लिटर पाणी या द्रावणात बुडवून नंतरच पुनर्लागवड करावी.
🧅 फवारणी करताना द्रावणात चिकट द्रव्याचा ०.६ मि.लि. प्रति लिटर पाणी याप्रमाणे वापर करावा.
🧅 कीडनाशके शिफारशीनुसार आलटून पालटून वापरावीत. एकच कीडनाशकसारखे वापरल्यास किडींची प्रतिकारशक्ती वाढते.
🧅 पर्णीय रोग व कीड नियंत्रणाकरिता, फवारणी (प्रमाण – प्रति लिटर पाणी)
पुनर्लागवडीच्या ३० दिवसांनंतर - मॅन्कोझेब २.५ ग्रॅम अधिक फिप्रोनिल १ मि.लि.
पुनर्लागवडीच्या ४५ दिवसांनंतर - ट्रायसाक्लॅझोल १ ग्रॅम/ प्रोपीकोनॅझोल १ मि.लि. अधिक कार्बोसल्फान २ मि.लि.
पुनर्लागवडीच्या ६० दिवसांनंतर – हेक्झाकोनॅझोल १ मि.लि./ कॉपर ऑक्सिक्लोराईड २.५ ग्रॅम अधिक प्रोफेनोफॉस १ मि.लि.
