संत्रा-मोसंबी-लिंबू | रोग व किडी नियंत्रण |

 संत्रा-मोसंबी-लिंबू

⭕️रोग नियंत्रण 

◐ फांद्या कापणीनंतर कात्री सोडियम हायपोक्लोराईटच्या १ ते २ टक्के द्रावणात बुडवून निर्जंतुकीकरण करावे. झाडांच्या बुंध्यावर ब्रशने २ फूट उंचीपर्यंत १० टक्के बोर्डो पेस्ट लावावी. बोर्डो पेस्ट तयार करण्याकरिता १ किलो मोरचूद व १ किलो चुना ५ लिटर पाण्यात रात्रभर वेगवेगळे भिजत ठेवावेत. दुसऱ्या दिवशी सकाळी एकत्र करून ही पेस्ट १२ तासांच्या आत वापरावी.
◐ फायटोफ्थोरा - मेटॅलॅक्झील एम (४%) + मॅंकोझेब (६४%) (संयुक्त बुरशीनाशक) किंवा फोसेटील एएल (८० डब्ल्यूपी) २.५ ग्रॅम प्रति लिटर पाणी या प्रमाणे संपूर्ण झाड ओले होईपर्यंत फवारणी करावी. हे द्रावण झाडाभोवती अळ्यातही टाकावे.
⭕️कीड नियंत्रण
◐ सिट्रस सायला - इमिडाक्लोप्रिड (१७.८ एसएल) ०.५ मि.लि. किंवा ॲसिफेट (७५ एसपी) १ ग्रॅम किंवा डायमिथोएट (३० ईसी) १.५ मि.लि. प्रति लिटर पाणी प्रमाणे फवारणी करावी. गरजेनुसार दुसरी फवारणी दहा दिवसांच्या अंतराने कीटकनाशक बदलून करावी.
◐ पाने पोखरणारी अळी (लीफ मायनर) - स्पिनोसॅड (४५ एससी) ०.३४ मि.लि. किंवा डायमिथोएट (३० ईसी) १.५ मि.लि. किंवा नोव्हॅल्युरॉन (१० ईसी) ०.८७ मि.लि. प्रति लिटर पाणी प्रमाणे फवारणी करावी.

अधिक माहितीसाठी कृषी विज्ञान केंद्र, बारामतीचे कृषिक अॅप डाउनलोड करण्यासाठी खालील बटन वर क्लिक करा.