कापूस
कापसाची साठवण
👉 प्रत्येक वेचणीनंतर कापूस सावलीत वाळवून नंतरच साठवावा.
👉कोरडवाहू कपाशीच्या पहिल्या तीन वेचण्यांचा, तसेच बागायती कपाशीच्या मधल्या चार वेचाण्यांचा कापूस दर्जेदार असतो. हा कापूस शक्यतोवर वेगळा साठवावा.
👉वेचणीच्या काळात पाउस पडल्यास, पावसाने भिजलेला कापूस झाडावर सुकू द्यावा व पूर्ण वाळल्यानंतरच वेचणी करून वेगळा साठवावा.
👉शेवटच्या वेचणीचा कापूस कवडीयुक्त व किडका असतो. या कापसाला ‘झोडा’ असे संबोधले जाते. अशा कापसाची रुई व धागा हा निकृष्ट दर्जाचा असतो. म्हणून असा कापूस वेगळा साठवावा.
👉कपाशीवर रसशोषण करणाऱ्या किडींचा प्रादुर्भाव जास्त असल्यास, हा चिकट स्त्राव पानांवरून कापसावर पडतो व रुईची प्रत खालावते. परिणामतः बाजारभाव कमी मिळतो. तसेच अशा प्रकारच्या रुईला मागणी नसते. त्यामुळे या कापसाची साठवण वेगळी करावी.
👉 कापसाची प्रत ठरविण्यासाठी आवश्यक बाबी
👉पुर्णपणे कोरड्या कापसाची वेचणी करून तो कोरड्या खोलीत साठवून ठेवावा. उघड्या अंगणात साठविलेला असल्यास त्वरित झाकून ठेवावा.
👉डागाळलेला, रंग बदललेल्या, किडलेला कापूस वेगळा साठवावा. तो कापूस चांगल्या कापसात मिसळू नये. कारण चांगल्या कापसाची किंमत कमी होते.
👉कापसाच्या गंजीत केरकचरा किंवा धुळीचे कण मिसळणार नाहीत, याची काळजी घ्यावी.
👉कापूस मोकळी हवा असलेल्या पक्क्या गोदामात साठवावा. ओलसर जागेत साठवणूक केल्यास, त्या कापसास पिवळसरपणा येतो. त्यामुळे रुई व धाग्याची प्रत खालावते.
👉निरनिराळ्या कापूस वाणांची साठवण वेगवेगळ्या ठिकाणी करावी. जेणेकरून त्याची भेसळ होणार नाही.
कृषिक अॅप डाउनलोड करण्यासाठी खालील बटन वर क्लिक करा.