केळी पिक 🍌🍌
⭕ रोग नियंत्रण
👉 करपा (सिगाटोका)
 |
मॅंकोझेब/ कॉपर ऑक्सिक्लोराइड २.५ ग्रॅम अधिक स्टीकर १ मि.लि. किंवा प्रोपीकोनॅझोल ०.५ मि.लि. अधिक मिनरल ऑईल १० मि.लि. प्रति लिटर पाणी प्रमाणे २० दिवसांच्या अंतराने दोन फवारण्या कराव्यात.
👉 पोंगा कुज (इर्विनिया रॉट)
या रोगाची लक्षणे दिसताच १०० लिटर पाण्यात ३०० ग्रॅम कॉपर ऑक्सीक्लोराईड व ३०० मि.लि. क्लोरपायरीफॉस मिसळून या द्रावणाची २०० मि.लि. प्रतिझाड आळवणी (ड्रेचिंग) करावी किंवा लागवडीच्या वेळी प्रति झाड ६ ग्रॅम ब्लिचिंग भुकटी जमिनीतून द्यावी. त्यानंतर १ महिन्याच्या अंतराने पुन्हा द्यावे.
⭕ कीड नियंत्रण
👉 सोंडकिडे
पिकांची फेरपालट करावी.
कंदप्रक्रिया करावी.
सापळा म्हणून खोडाचे १५ ते ३० सें.मी. लांबीचे उभे काप एकरी १० ते १५ या प्रमाणात बागेत ठेवावे.
👉 मावा
बाग तणमुक्त ठेवावी.
डायमेथोएट (३० इसी) २ मि.लि. अधिक निंबोळी तेल ५ मि.लि. अधिक स्टीकर १ मि.लि. प्रति लिटर पाण्यात मिसळून दर चार ते सहा दिवसांनी फवारावे.
👉 सूत्रकृमी
लागवडीच्या वेळी प्रति झाड अर्धा ते एक किलो निंबोळी पावडर वापरावी.
केळी बागेत झेंडू हे आंतरपीक घ्यावे.
-------------------------------
अधिक माहितीसाठी आठवडी पिक सल्ला,कृषी वार्ता साठी कृषी विज्ञान केंद्र, बारामतीचे कृषिक अॅप डाउनलोड करण्यासाठी खालील बटन वर क्लिक करा.
