वेल वर्गीय पिके
कलिंगड, खरबूज पिकामध्ये रोप वाढीच्या सुरुवातीच्या अवस्थेत ‘क्रॉप कव्हर’ (नॉन वूव्हन फॅब्रीक) तंत्राचा वापर २१ ते २५ दिवस करावा. याच्या वापरामुळे पिकाची वाढ आणि विकासासाठी आवश्यक सूक्ष्म वातावरणाची निर्मिती होते. पिकाची जोमदार वाढ होऊन उत्पादनाचा दर्जा सुधारतो. तुलनेत पीक लवकर तयार होते. क्रॉप कव्हर हे पिकाचे धुके, थंडी, ऊन, गारा, अवकाळी पाऊस यांपासून संरक्षण करते. वाढीच्या सुरुवातीच्या अवस्थेमध्ये रोगजंतू, किडींना अटकाव होतो. यामुळे पीक संरक्षण खर्चात व कष्टात बचत होते. पिकाच्या एकूण कालावधीमध्ये पीक संरक्षणासाठी आवश्यक असणाऱ्या फवारण्यांची संख्या कमी लागते.