सुरु ऊस
✨सुधारित जाती व बेणे निवड
को ८६०३२, कोएम ०२६५ या मध्यम पक्व होणाऱ्या आणि एमएस १०००१, व्हीएसआय १२१२१, को ९४०१२, कोसी ६७१, कोल्हापूर विभागासाठी को ९२००५, गुळासाठी कोएम ०९०५७ या सुधारित व अधिक ऊस उत्पादन आणि साखर उतारा देणाऱ्या जातींची निवड करावी. बेणे मळ्यातील ९ ते १० महिने वयाचे अनुवांशिकदृष्ट्या शुद्ध आणि निरोगी बेणे वापरावे. बेणे लांब कांड्यांचे व फुगीर डोळ्याचे आणि रसरशीत असावे. दर तीन वर्षांनी बेणे बदलावे.
✨बणे प्रक्रिया
काणी रोग, कांडीवरील खवले कीड, पिठया ढेकूण यांच्या नियंत्रणासाठी १०० ग्रॅम कार्बेन्डाझिम आणि ३०० मि.लि. मॅलॅथिऑन किंवा २६५ मि.लि. मि.लि. डायमिथोएट प्रति १०० लिटर पाण्यात मिसळून बेणे १० मिनिटे बुडवावे. रासायनिक बेणे प्रक्रियेनंतर ॲसेटोबॅक्‍टर डायऍझोट्रॉपिकस १० किलो किंवा द्रवरूप ॲसेटोबॅक्‍टर १ लिटर अधिक स्फुरद विरघळविणारे जीवाणू संवर्धक १.२५ किलो प्रति १०० लिटर पाण्यात मिसळून या द्रावणात बेणे ३० मिनिटे बुडवावे. त्यानंतर लागवड करावी. जीवाणू संवर्धकाच्या प्रक्रियेमुळे ५० टक्के नत्र व २५ टक्के स्फुरद खतांची बचत आणि उत्पादनात वाढ होते.
कृषिक अॅप डाउनलोड करण्यासाठी खालील बटन वर क्लिक करा.